მინისტრი-არ ვეთანხმები პრეზიდენტს თვითმმართველობების დასუსტებასთან დაკავშირებით
ძებნა
მინისტრი-არ ვეთანხმები პრეზიდენტს თვითმმართველობების დასუსტებასთან დაკავშირებით
2 მაისი 2018საქართველოს რეგიონული განვითარებისა და ინფრასტრუქტურის მინისტრი, მაია ცქიტიშვილი პრემიერ-მინისტრთან და მინისტრთა კაბინეტის წევრებთან ერთად მეცხრე მოწვევის საქართველოს პარლამენტის დეპუტატების წინაშე საქართველოს პრეზიდენტის გიორგი მარგველაშვილის წლიური ანგარიშის მოსმენას დაესწრო.
სახელმწიფო მეთაურის რანგში ეს მარგველაშვილისთვის პარლამენტში სიტყვით ბოლო გამოსვლა იყო, მისი საპრეზიდენტო უფლებამოსილების ვადა 2018 წლის შემოდგომაზე იწურება.
მაია ცქიტიშვილის თქმით, სამწუხაროა, რომ ბევრ შემთხვევაში პრეზიდენტს არასწორი შეფასებები ჰქონდა.
,, მაგალითისთვის ვიტყოდი იმ თემას, რომელიც ჩემს სამინისტროს ეხება და ეს არის თვითმმართველობის დასუსტებასთან დაკავშირებით პრეზიდენტის შეფასებები. სამწუხაროდ, პრეზიდენტს დაავიწყდა, რომ სწორედ „ქართული ოცნების“ მმართველობის პერიოდში მივიღეთ თვითმმართველობის კოდექსი და გავაძლიერეთ თვითმმართველობის არჩევნები. ახალ კონსტიტუციაში, რომელიც ცოტა ხანში შევა ძალაში, უფრო მკაფიოდ განისაზღვრა სახელმწიფოს ვალდებულებები თვითმმართველობების მიმართ როგორც მათი დაფინანსების, ასევე მათი უფლებების ნაწილში“, - განაცხადა მაია ცქიტიშვილმა პრეზიდენტის ანგარიშის შეფასებისას.
